تجاربكم في تربيه كلاب الحلال - منـتـدى أغـــنـام
تجاربكم في تربيه كلاب الحلال - منـتـدى أغـــنـام اخوااني المربين لا يخفى عليكم اهميه الكلاب-اجلكم الله- لاهل الحلال خاصه اللي حلالهم في البر انا عندي ثلاثه كلاب اعزكم الله اعتمد عليها اعتماد كبير قبل العامل في الحراسه طبعا تربيتها تختلف في الحراسه عن الرعي اذا كانت للحراسه تاخذه وهو صغير وتعزله بعيد عن الناس وتفضل تاكله وتوصيه لمده من 5 ال 6 شهور بعدين تطلعه وتربطه زين ما يهاجم الناس اما الرعي وهو صغير ترميه بين البهم ينام معها علشان يحبها ويتولف عليها واذا رحت تاخذه معام للمرعى فتره بعدين يحب الغنم ويخاف عليها ويعدها من فصيلته.. انا ما دمت صاحب غنم لن استغني عن اكلاب مهما كلف الامر من الي شفته من وفاء وحراسه لها مواقف كثيره حصلت معي ولكن باذكر هذا الموقف واترك الفرصه للاخوان انا سرحت بالغنم صغار وكبار رحت وجيت ما انتبه الا والكلاب ينبح يبي يقطع السلسله طول على هذا الحال قلت يمكن فيه ثعيلي ولا كلب قريب فكيته راح مسرع جهة اشجار بعيده قعد يمكن دقيقتين الا والله وجايني بواحد من البهم نسيته في البر ,, علشان كذا ما اقدر استغني عنها شكر واعذروني اذا طولت عليكم كلب الحراسه...
