Saturday, October 17, 2009

تركيب ونش على جيب لكزس 2003 ... بالصور


كانت الفكرة تراودني وقتا من الزمن ... وكنت ابحث عمن يجيد تركيبه بطريقة لاتفسد شكل ووجه السيارة
فدلني الله الى ( السليماني للسيارات ) وكان من المتخصصين ببيع واصلاح وتركيب ونشات السيارات
فاتصلت به وسالته عن التركيب ففال لي ب 300 ريال وبعدين قال لي هل القاعدة موجودة والا يبيلها تفصيل قلت له : يبيلها تفصيل لانكم تخبرون اللكزس مايجي بونش فكان لابد من تفصيل القاعدة ...
الشاهد انه قال لي ان سعرها ب 500 ريال ويصبح المجموع 800 ريال ...
قلت له: لو فصلت القاعدة برا قال : عادي ناخذ بس حق التركيب
ماقصر (( ايهاب )) عطان المقاسات .. ورحت فصلتهن عند مصنع ب 170 ريال
لالالالا تقول لي ليش مصنع ؟ لان قص القاعدة ماهوب سهل ... 7 ملم ؟
وعندهم مكينة قص هيدروليك تقص بالضبط
لحمت القاعدة ونظفه لي بالصاروخ ... وما قصر

لا اطيل عليكم ... الصور ابلغ

طبعا الونش
WARN قوته 4.3 طن

رحت لهم يوم الخميس الساعة 9 ... وماشاء الله عليهم 4 ساعات وهو قاضي
لاتنسون انهم متخصصين بالشغلة ومتعودين عليه
وعندهم فنيين فلبينيين... شغلهم متكتك ...
ماشاء الله تبارك الله
بسم الله نبدأ

التعليق تحت كل صورة


فك الصدام الامامي .. ونظرة فاحصة من اين يبدأ ...


فك العرضية الامامية وقص منها تقريبا 3 سم بطول 70 سم عرض على قدر مقاس القاعدة



وهذا الشكل من بعيد ... اااااه يالربع لعبو بموتري ... والله اني اقول اللهم سلم سلم


وهذا شكل القاعدة وهي بسماكة 7 ملم وعرض 70سم وطول 18.5 وارتفاع من الامام
7 سم ماعدى الجزء الاوسط فهو مفتوح بقدر 22 سم لاجل فتحة الونش والبكرات اما من الخلف فهو بارتفاع 3.5 سم وطول 70 سم


وبعد ما قص داعمتين من عنده صغيره قام بتثبيتها بالشاصية بواسطة اللحام ... لكي يجعلها بمثابة الكرسي الذي يثبت فيه القاعدة


يلحم الجزء الايمن ثم الايسر .. ويكرر ذلك مرتين حتى يتاكد من ثبات اللحام ... ماشاء الله


بعدها قام الذيبان الفلبيني بتثبيت الونش بالقاعدة بعد ان تقب للونش 4 مسامير من الاسفل ومن الامام مسمارين لكي يبت فيها قاعدة البكره



همن ركب الونش على السيارة ... ماشاء الله ... واخذ يوزن ويتاكد ... ويضع اللمسات الاخيرة


بعدها رش القاعدة لاني نسيت ارشها قالي ماعندك مشكلة ارشها لك وهو راكب لكن اللي قدام ما حرص عليه 100% لانه بيتغطى بالصدام اما اللي اسفل والجوانب ماقصر وكان حريص ان الونش ما يجيه بويه ... ماشاء الله

ماشاء الله تبارك الله


وهذه صورة الونش على اللكزس بعد ماقص فتحة له بالصدام واصبح بارز عن الصدام تقريبا 2
سم



اما فيش الريموت قلت له حطه من احد فتحات الصدام من الامام ليسهل استخدامه بسرعة .. مع انه قال لي .. حطه جو الصدام ويثبت بالصدام من الداخل .. ويوم فكرت الا وهي شغله
لازم افتح كبوت السيارة عشان اشبك الفيش .. والشي الثاني ما اقدر استعمل الونش وانا في مكان السائق لان الكبوت بيكون مفتوح ... قلت ياولد خله كذا ازين ولا كل واحد ينتبه له ..


ماشاء الله تبارك الله .... الونش بصورة اشمل ... واللوحة ستاتي كيف ثبتها ؟


وهذا الذيبان ... ايهاب الله يوسع برزقه ... كان متفهم معي للغاية ونصوح وحبوووب
انا اشهد انه شقردي ... بيض الله وجهه

ماشاء الله تبارك الله

ماشاء الله ... صورة من بعد آخر


وهذه صورة الونش من الداخل مكانه .. ماشاء الله مناسب وراكب عليه

********************

اما اللوحة ...رحت للتشليح وشريت قاعدة لوحة كابرس صابونه 91 الخليفة اللي يجي خلفها غطاء تانكي البنزين .... لانها متحركة وفيها سسته
قلت اركب اللوحة فيها واثبتها بالصدام


وهذي اللوحة تم تبيتها بالصدام بعد تركيب قاعدة لوحة الكابرس ...ماشاء الله تبارك الله ... الرقم للبيع
الونش مخفي ... ولم يختلف شي من معالم السيارة



القاعدة من الاعلى ويظهر بعد الصدام عنها ... اقول اللوحة بالمناسبة للبيع ماشاء الله


انتهى التقرير

وفي الختام اتمنى انني قدمت تجربتي في الونش ولا نستغني عن ملاحظاتكم ...
ونحن بالخدمة ...لاعدمناكم
في امان الله @@@@
http://www.mekshat.com/vb/showthread.php?t=234901